Kasultanan Gowa utawi wonten ugi ingkang nyerat Kasultanan Goa punika salah satunggaling kraton ageng lan paling suksès ingkang mapan wonten ing laladan Sulawesi Selatan. Rakyat ing kraton punika asalipun saking Suku Makassar ingkang mapan wonten ujung kidul lan pasisir kulon Sulawesi . Wewengkon karajan punika sapunika wonten ing sangandhaping Kabupatèn Gowa lan laladan pérangan sakiwa-tengenipun. Karajan punika gadhah Raja ingkang kawéntar kanthi gelar Sultan Hasanuddin ingkang nalika semono nglampahi perang lan kawentar kanthi nama Perang Makassar (1666-1669) kaliyan VOC. Nalika semono kraton punika angsal pambiyantu saking Karajan Bone ingkang dipunkuasai déning satunggal wangsa Suku Bugis kanthi rajanipun Arung Palakka.